Aberdaron, Gwesty Ty Newydd

Aberdaron yw’r pwynt gorllewinol pellaf un yng ngogledd Cymru, a’r ardal fwyaf digyffwrdd a welwch chi ar dir mawr Prydain. Ar ôl un ymweliad, bydd yn siŵr o gael lle yn eich calon am byth. Mae nifer o bobl yn dychwelyd dro ar ôl tro i fwynhau’r pentref bach swynol hwn ar ben eithaf Pen Llŷn.

Eglwys Hywyn Sant

Milltiroedd o Dywod

Mae dwy nant yn rhedeg i lawr dau wahanol ddyffryn ac yn uno ymysg y bythynnod lliwgar yng nghanol y pentref, sy’n gwneud Aberdaron yn lleoliad prydferth iawn. Mae nifer o artistiaid wedi talu teyrnged i’w olau a’i liwiau cyfnewidiol dros y blynyddoedd.

*********

Mae Gwesty Tŷ Newydd yn fan cychwyn delfrydol i archwilio hyfrydwch a swyn Pen Llŷn, sy’n ardal o harddwch naturiol eithriadol. Mae’n le gwych i gychwyn cerdded llwybr arfordirol Llŷn. Beth am fynd am drip cwch i Ynys Enlli o Borth Meudwy gerllaw? Neu ymweld â Phlas yn Rhiw, sydd bellach yn eiddo i’r Ymddiriedolaeth Genedlaethol, i fwynhau’r tŷ a’r gerddi yn ogystal â cherdded llwybrau’r goedwig?

Y llwybr o Borth Meudwy

Ymysg amwynderau eraill yr ardal mae cyfleoedd i chi feicio, chwarae golff, pysgota a hwylio. Neu mwynhewch bleser syml y traeth, gan dreulio’ch amser yn codi cestyll tywod, yn fforio’r pyllau glan môr, yn nofio ac yn ymlacio.

Y tu allan i dymor yr haf, mae’r gaeafau’n dyner ac mae’r llwybrau’n dawelach, sy’n golygu ei fod yn amser gwell o lawer i’r rheiny ohonoch chi sydd eisiau dianc rhag pawb a phopeth am ddiwrnod neu ddau, neu fwy os dymunwch chi.

Ynys Enlli

Bae Aberdaron

Ynys Enlli

Rydych yn siŵr o groeso cynnes gan Iain a Wilma a holl staff Gwesty Tŷ Newydd pa adeg bynnag o’r flwyddyn fydd hi, gan fod pob tymor yma ym Mhen Llŷn yn cynnig ei brydferthwch unigryw ei hun

Lluniau, Tony Jones (www.golaullyn.co.uk)