Mae Iain a Wilma’n cynnig croeso cynnes i chi i Westy Tŷ Newydd. Mae’r gwesty wedi’i leoli ym mhentref prydferth a hanesyddol Aberdaron ar Ben Llŷn, Gogledd Orllewin Cymru. Mae Gwesty Tŷ Newydd yn edrych dros fae a thraeth tywodlyd Aberdaron, sef un o draethau gorau a mwyaf diogel Pen Llŷn.

·        Dewch i fwynhau awyrgylch gysurus y Dafarn “Pedair Seren” hon, gyda’i golygfeydd godidog.

·        Dewch i flasu cimychiaid a chrancod ffres, newydd eu dal oddi ar Ynys Enlli neu de prynhawn gyda chacennau cartref.

·        Dewch i wylio’r haul yn machlud oddi ar y teras wrth fwynhau unrhyw ddiod o’ch dewis o’r bar sydd â thrwydded lawn.

·        Dewch i gael swper yn y bwyty, gan fwynhau prydau wedi’u gwneud â’r cynhwysion ffres gorau sydd wedi’u cynhyrchu’n lleol, wrth ymgolli yn y golygfeydd dros y môr tua’r ynysoedd.

Mae yna weithgareddau awyr agored gwych ar ein trothwy – dyma ein rhestr ni o’r prif bethau i’w gwneud pan ddewch chi i aros.

Mwynhewch ddiod ar y teras newydd gan wylio’r haul yn machlud dros Fae Aberdaron.

Mae Sky Sports ar gael yn ein bar cyhoeddus.

Ewch am dro ar hyd llwybr yr arfordir i gildraeth y pysgotwyr (gallwn drefnu teithiau cerdded gyda thywysydd os cysylltwch chi â ni ymlaen llaw)

Gallwn drefnu i chi fynd ar drip cwch i fwynhau’r bywyd gwyllt a’r hanes morol o amgylch Pen Llŷn.

Mentrwch ychydig ymhellach – mae yna dri chwrs golff i chi ddewis ohonynt tua 20 munud o’r gwesty.

“Ar y gweill” – Beth am gael profiad o bysgota tra byddwch chi ar eich gwyliau? Mae yna lyn pysgota lleol ble gallwch chi ddal Brithyll a Charp o fewn milltir a hanner i’r gwesty.

Mae croeso yma i gerddwyr - drwy gysylltu â ni ymlaen llaw, gallwn drefnu i rywun eich tywys ar daith gerdded ar hyd arfordiroedd hyfryd Aberdaron. Ac os bydd hi’n digwydd bod yn dywydd gwlyb, gallwch fwynhau diod gynnes yn y gwesty ar ôl cyrraedd yn ôl, tra byddwn ninnau’n gofalu am sychu eich dillad yn yr “ystafell sychu”.